Moldovada “Atəş Qalxanı - 2024” hərbi təlimləri başlayıb
Bakı, 5 avqust, AZƏRTAC
Bu gün Moldovada ABŞ və Rumıniya hərbçilərinin iştirakı ilə “Atəş Qalxanı - 2024” hərbi təlimləri başlayıb.
AZƏRTAC xəbər verir ki, bu barədə Moldova Müdafiə Nazirliyinin mətbuat xidmətindən bildirilib. Məlumata görə, təlimlərdə Moldova ordusunun arsenalında olan hərbi texnikadan və artilleriya sistemlərindən istifadə ediləcək.
Təlimlərə milli ordunun hərbi-texniki bölmələri və artilleriya sistemləri cəlb olunacaq. Məqsəd onların operativ əməliyyat imkanlarının inkişaf etdirilməsi və qarşılıqlı fəaliyyət qabiliyyətinin yüksəldilməsidir.
Yaxın günlərdə hərbi texnikanın Moldova yolları ilə hərəkəti təşkil olunacaq. Bununla bağlı Müdafiə Nazirliyi əhalini sakit olmağa və rəsmi mənbələrdən məlumat almağa çağırıb.
“Atəş Qalxanı” təlimləri 2015-ci ildən başlayaraq hər il keçirilir və Moldova milli ordusunun hazırlıq planının bir hissəsidir.
Bölmənin digər xəbərləri
