Moldovada çıxan nüfuzlu “Ekspert Novostey” qəzetində azərbaycanlıların soyqırımı haqqında məqalə dərc edilmişdir
Kişineu, 31 mart (AZƏRTAC). Moldovada çıxan nüfuzlu “Ekspert Novostey” qəzetində jurnalist Sergey Riyabininin “Bakı küçələrində qan su yerinə axırdı... 96 il bundan əvvəl 30 min azərbaycanlı qətlə yetirilmişdir” sərlövhəli məqalə dərc edilmişdir.
1918-ci ilin mart ayında azərbaycanlılara qarşı törədilmiş soyqırımından bəhs edən məqalədə 96 il bundan əvvəl erməni terrorçuların və onların himayədarlarının Azərbaycan xalqına qarşı törətdiyi dəhşətli soyqırımı aktlarından söhbət açılır.
Obyektiv mövqedən çıxış edən moldovalı jurnalistin məqaləsinin leytmotivi belədir: “Cəzasız cinayət yoxdur və ola bilməz. XX əsrdə soyqırımı və etnik təmizləmələr tarixini əks etdirən qanlı hadisələr çox olmuşdur. 1918-ci ilin mart aynda Azərbaycan xalqının üzləşdiyi faciə ən dəhşətli cinayətlərdən biridir”.
Zeynal Ağazadə
AZƏRTAC-ın xüsusi müxbiri
Kişineu
Bölmənin digər xəbərləri
