Monqolustanda yaşayan əcnəbi vətəndaşların sayı 7,4 faiz artıb
Bakı, 9 yanvar, AZƏRTAC
Monqolustanda yaşamaq məqsədilə 34 min 272 əcnəbi vətəndaş qeydiyyatdan keçib. Bu, əvvəlki ilin eyni dövrü ilə müqayisədə 7,4 faiz artım deməkdir.
AZƏRTAC Monqolustanın “Montsame” informasiya agentliyinə istinadla xəbər verir ki, əcnəbilər sırasında ABŞ-ın 1124, Koreya Respublikasının 1693, Hindistanın 2278, Rusiya Federasiyasının 3001, Çin Xalq Respublikasının 19 min 952 və digər ölkələrin 6224 vətəndaşı var.
Ölkənin Xarici Vətəndaşların Hüquqi Statusu haqqında Qanununun 27.4-cü maddəsinə əsasən, Monqolustanda şəxsi məqsədlərlə yaşayan xarici vətəndaşların sayı ümumi əhalinin üç faizindən çox ola bilməz və hər hansı bir ölkənin vətəndaşlarının sayı bir faizlə məhdudlaşdırılır. Bu günə qədər Monqolustanda şəxsi məqsədlərlə yaşayan xarici vətəndaşlar əhalinin 0,9 faizini təşkil edir.
Bölmənin digər xəbərləri
