MORDVADA TƏLƏBƏLƏR ƏHALİNİ İSLAMLA TANIŞ EDİRLƏR
AZƏRTAC Müstəqil İslam İnformasiya agentliyinə istinadla xəbər verir ki, bu yay Mordvanın ayrı-ayrı kəndlərinin sakinləri İslamın əsasları üzrə ikihəftəlik kurs keçəcəklər. Onlara Rusiya və xarici ölkələrin İslam ali məktəblərinin tələbələri mühazirələr oxuyacaqlar. Bunu Mordva Müsəlmanları İdarəsinin informasiya və ictimaiyyətlə əlaqələr departamentinin başçısı Marat Səlimov bildirmişdir.
Rusiyanın və xarici ölkələrin İslam ali məktəblərində təhsil alan 50-yə yaxın tələbə yerli sakinləri İslam dini ilə tanış etmək üçün respublikanın bütün bölgələrinə səfərə çıxmışdır. Belə tədbirin təşkili barədə qərar islamçı tələbələrin ötən ay respublikada keçirilmiş Məclisində qəbul olunmuşdur.
Bölmənin digər xəbərləri
