MOSKVADA AVROPA ÖLKƏLƏRİ GÖMRÜK XİDMƏTLƏRİ REGİONAL RABİTƏ QOVŞAQLARI İŞÇİ QRUPUNUN İCLASI KEÇİRİLMİŞDİR
Rusiya Dövlət Gömrük Komitəsində Dünya Gömrük Təşkilatının (DGT) himayəsi ilə Avropa ölkələrinin gömrük xidmətləri regional rabitə qovşaqları işçi qrupunun iclası keçirilmişdir.
Respublika Dövlət Gömrük Komitəsindən AZƏRTAC-a bildirmişlər ki, iclasda Rusiya, Azərbaycan, Gürcüstan və Qazaxıstanın milli rabitə xidmətlərinin, Bolqarıstan, Almaniya, Danimarka, İtaliya və Fransanın gömrük xidmətlərinin nümayəndələri iştirak etmişlər.
Tədbirdə Avropa rabitə qovşaqlarının işinin yekunları və cari fəaliyyəti müzakirə olunmuş, qaçaqmalçılıqla və gömrük sahəsində digər hüquq pozuntuları ilə səmərəli mübarizə üçün informasiya mübadiləsini texniki cəhətdən təkmilləşdirmək yolları müəyyənləşdirilmiş, DGT-nin “Regional rabitə qovşaqları barəsində qlobal siyasət” sənədinin layihəsi nəzərdən keçirilmişdir. Qeyd olunmuşdur ki, gömrük nəzarətinin təkmilləşdirilməsi, milli və beynəlxalq səviyyələrdə gömrük təhqiqatları aparılması sahəsində istər strateji, istərsə də taktiki məsələlərin uğurla həlli DGT çərçivəsində əməliyyat məlumatı mübadiləsinin səmərəliliyindən bilavasitə asılıdır.
İclasda gömrük hüquq pozuntularının üzə çıxarılması və qarşısının alınması, “CEN” beynəlxalq hüquq-mühafizə şəbəkəsinin modernləşdirilməsi sahəsində birgə tədbirlər görülməsi ilə əlaqədar regional və milli rabitə qovşaqlarının texniki imkanlarından istifadə olunması barədə DGT-nin Hüquq-Mühafizə Komitəsinin növbəti iclası üçün təkliflər də hazırlanmışdır.
Bölmənin digər xəbərləri
