Mourinyo üçüncü klub ilə Çempionlar Liqasında və yeni ölkənin çempionatında qalib gəlmək istəyir
Bakı, 3 iyun, AZƏRTAC
Portuqaliyalı məşhur məşqçi Joze Mourinyo yaxın planları barədə danışıb.
AZƏRTAC “Eleven Spots”a istinadla xəbər verir ki, məşqçi deyib: “Beşinci ölkədə çempionatda qalib gəlmək və ya üçüncü klub ilə Çempionlar Liqasının qalibi olmaq istərdim. Lakin təkcə bu barədə düşünmürəm. Mən elə bir layihə istəyirəm ki, onun icrasında həm qalib gəlim, həm də xoşbəxt olum. Məni xoşbəxt edə bilməyəcək klubdan təklif alsam, razılaşmayacağam. Mənim harada işləmək barədə qərarı özüm qəbul etmək hüququm var. Tamamilə rahatam. Bilirəm ki, belə bir təklif indi olmasa da sonradan daxil olacaq”.
56 yaşlı mütəxəssisin sonuncu iş yeri “Mançester Yunayted” komandası olub. Bundan əvvəl Mourinyo “Benfika”, “Leyriya”, “Portu”, “Çelsi”, “İnter” və “Real” klubları ilə çalışıb. Portuqaliya, İngiltərə, İtaliya və İspaniya çempionu olmuş Mourinyo iki dəfə Çempionlar Liqasında qalib gəlib.
Bölmənin digər xəbərləri
