Mübariz Əhmədoğlu: “Ölkəmiz hər bir cəhətdən Ermənistandan üstün mövqedədir”
Bakı, 5 noyabr (AZƏRTAC). Noyabrın 5-də Siyasi İnnovasiya və Texnologiyalar Mərkəzinin (SİTM) rəhbəri Mübariz Əhmədoğlu oktyabr ayında dünyada və regionda baş vermiş beynəlxalq ictimai-siyasi proseslərin təhlilinə həsr olunmuş mətbuat konfransı keçirmişdir.
AZƏRTAC xəbər verir ki, mətbuat konfransında politoloq M.Əhmədoğlu regionda vəziyyətin Azərbaycanın xeyrinə olduğunu, ölkəmizin hər bir cəhətdən Ermənistandan üstün mövqedə dayandığını bildirmişdir.
Politoloq diqqətə çatdırmışdır ki, Ermənistan həm iqtisadi, həm siyasi cəhətdən iflasa uğramış, ölkəmiz isə getdikcə daha böyük uğurlara imza atmışdır.
M.Əhmədoğlu ölkəmizin artan uğurlarının ərazi bütövlüyümüzün bərpasına, Ermənistan-Azərbaycan Dağlıq Qarabağ münaqişəsinin tezliklə beynəlxalq hüquq norma və prinsiplərə uyğun şəkildə öz həllini tapacağına əminlik yaratdığını konfrans iştirakçılarının diqqətinə çatdırmışdır.
Tədbirin sonunda politoloq mövzu ilə bağlı jurnalistlərin suallarını cavablandırmışdır.
Bölmənin digər xəbərləri
