MUĞAM MÜSABİQƏSİ İŞTİRAKÇILARININ KONSERTİ
Tədbiri Muğam Teatrının direktoru Arif Qazıyev açaraq müsabiqənin qalibləri və ifaçılarını konsertin təşkili, bu sənət yarışmasının əhəmiyyəti haqqında danışmışdır.
Azərbaycan Bəstəkarlar İttifaqı idarə heyətinin katibi, professor Ramiz Zöhrabov, xalq artistləri Habil Əliyev, Nəriman Əzimov, fəlsəfə elmləri doktoru, professor Nigar Cərullaqızı, pedaqoji elmlər namizədi Nazim Kazımov və başqaları muğam sənətimizin tarixi, onun inkişaf yolu, müsabiqə qaliblərinin, gənc ifaçıların əməyinin qiymətləndirilməsi haqqında danışmış, gələcək müsabiqələr barədə arzu və təkliflərini bildirmişlər.
Ağacəbrayıl Abbasəliyevin rəhbərlik etdiyi ansamblın müşayiəti ilə müsabiqə qalibləri və iştirakçıları İlkin Əhmədov, Babək Niftəliyev, Aytən Məhərrəmova, Bəyimxanım Mirzəyeva və başqaları muğam, təsnif və xalq mahnıları oxumuşlar.
Bölmənin digər xəbərləri
