Murad Bazarov: Azərbaycanda güləşçilər üçün yaradılan şərait onları yeni uğurlara həvəsləndirir
Bakı, 19 dekabr, AZƏRTAC
Final görüşüm çox çətin keçdi. Fəndləri yerinə yetirməkdə çətinlik çəkirdim. Çünki rəqibimlə bir-birimizi yaxşı tanıyırıq və eyni zalda məşq edirik.
AZƏRTAC xəbər verir ki, bu sözləri Azərbaycan çempionatında yunan-Roma güləşçilərinin mübarizəsində 60 kiloqram çəki dərəcəsində birinci yeri tutan Murad Bazarov deyib.
Əsas hədəfim “Tokio 2020” Yay Olimpiya Oyunlarının qızıl medalını qazanmaq olduğunu vurğulayan pəhləvan deyib: “Gələn ildən məşqlərə daha ciddi başlayacağam. 2010-cu ildə Sinqapurda Yeniyetmələrin I Yay Olimpiya Oyunlarında qızıl medal qazandım. Bu uğurumu böyüklər arasında da təkrarlamaq istəyirəm. Bunun üçün həm gücüm, həm də potensialım var. Azərbaycan Güləş Federasiyası tərəfindən idmançılar üçün hər cür şərait yaradılıb. Bütün bunlar güləşçiləri yeni uğurlara həvəsləndirir.
Bölmənin digər xəbərləri
