Musa Qurbanlı İsveç çempionatının rəmzi komandasına düşüb
Bakı, 29 avqust, AZƏRTAC
Azərbaycan millisinin və “Yurqorden”in futbolçusu Musa Qurbanlı İsveç çempionatında XXI turun rəmzi komandasına düşüb.
AZƏRTAC xarici KİV-ə istinadən xəbər verir ki, “Degerfors”la görüşdə iki qol, bir məhsuldar ötürmə ilə yadda qalan 21 yaşlı forvard ən yaxşı üç hücumçudan biri seçilib.
Onun performansı 8,7 balla qiymətləndirilib.
Qeyd edək ki, “Yurqorden” “Degerfors”u 4:1 hesabı ilə məğlub edib.
Bölmənin digər xəbərləri
