Narkotiklərin ziyanı ilə bağlı 1,3 milyon SMS-bildiriş göndərilib
Bakı, 25 iyun, AZƏRTAC
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun, Nəqliyyat, Rabitə və Yüksək Texnologiyalar Nazirliyinin birgə əməkdaşlığı ilə iyunun 25-dən etibarən ictimai maarifləndirmə tədbirlərinin təşkili ilə əlaqədar sağlam həyat tərzinin təbliği və narkotiklərin ziyanına dair əhalini məlumatlandırmaq məqsədilə “Azərfon” abunəçilərinə SMS formasında zəruri bildiriş və əlaqə vasitələri göndərilib.
Komissiyanın İşçi qrupundan AZƏRTAC-a bildiriblər ki, həmin məlumatın (Narkotiklər haqqında həqiqəti öyrənək və heç bir halda ondan istifadə etməyək! www.nmdk.gov.az, qaynar xətt 802) yer aldığı SMS-lər mərhələli qaydada təqribən 1,3 milyon abunəçiyə ünvanlanıb.
Bölmənin digər xəbərləri
