Naxçıvanda leyləklər yüksək gərginlikli elektrik xətləri dirəklərində bir neçə mərtəbəli yuva - “villalar” qurmuşlar
Naxçıvan, 18 may (AZƏRTAC). Naxçıvan Muxtar Respublikası ərazisində Naxçıvan-İğdır avtomagistralının 6-cı kilometrində leyləklərin yüksək gərginlikli elektrik xətləri dirəklərində qurduğu bir neçə mərtəbəli yuvalar görənləri heyrətləndirir.
AZƏRTAC xəbər verir ki, yüksək cərəyanlı elektrik dirəklərində yerləşən bir neçə mərtəbəli yuvalar villalara bənzəyir. Turistlər Naxçıvanla Türkiyənin sərhədindəki Dilucu sərhəd-buraxılış məntəqəsini keçəndən sonra Şərur şəhərinin yolunda bir dirəkdə 4 mərtəbəli leylək yuvasına böyük maraqla baxırlar. Görünür, leyləklər başqa yer tapmadıqlarından elektrik dirəyində bir neçə mərtəbəli yuvalar qurmuşlar. Şərur sakinlərinin sözlərinə görə, bu ərazidə belə yuva - “villalar” çoxdur.
Bölmənin digər xəbərləri
