NAZİR ALEKSANDR LOMAYANIN SÖZLƏRİNCƏ, GÜRCÜSTANDA MƏKTƏB DİREKTORLARINI VALİDEYNLƏR VƏ MÜƏLLİMLƏR SEÇƏCƏKLƏR
A.Lomaya demişdir: “Qanun layihəsi hökumətə təqdim olunacaq, sonra isə parlamentin təsdiqinə veriləcəkdir. Əminəm ki, parlament sentyabrda həmin layihəni müzakirə edib “Ümumtəhsil haqqında Gürcüstan qanunu”nu təsdiqləyəcəkdir. Həmin qanuna müvafiq olaraq valideynlərdən və müəllimlərdən ibarət qəyyumlar şurası yaşı 65-dən yuxarı olmayan vətəndaşı direktor seçəcəkdir. Namizədin seçilməsi təqdim edilmiş layihə və perspektiv inkişaf planı əsasında həyata keçirilir. Bununla yanaşı, direktor eyni məktəbə yalnız iki dəfə (hər dəfə 6 il müddətinə) seçilə bilər”.
A.Lomayanın sözlərinə görə, Gürcüstan Parlamenti qanun layihəsini təsdiq etdikdən sonra, cari ilin payızından ümumtəhsil məktəblərinin direktorlarının seçkisi keçiriləcəkdir.
Bölmənin digər xəbərləri
