Nazir: Estoniyadakı miqrantlar yerli dili bilməyə məcburdurlar
Tallinn, 19 sentyabr, AZƏRTAC
Estoniyanın Mədəniyyət naziri Tonis Lukas ölkəsində çalışan və ya təhsil alan xarici vətəndaşların eston dilində danışmamasından narahatlığını ifadə edib.
AZƏRTAC xəbər verir ki, nazir ən adi xidmətlərin göstərilməsi zamanı da başqa dillərdən istifadə olunmasının gələcəkdə eston dilinin assimilyasiyasına və məhvinə gətirib çıxaracağını söyləyib. Bildirib ki, bu prosesin qarşısını almaq üçün ölkədə xidmət sahələrində eston dilində danışmayanlar cəzalandırılmalıdır. Ölkəyə inteqrasiya olunmaq istəməyən miqrantlar isə buranı tərk etməlidirlər.
Nazir Estoniyada təhsil almaq adı ilə gələn gəncləri də ciddi araşdırmağı vacib sayır.
Aygün Əliyeva
AZƏRTAC-ın xüsusi müxbiri
Tallinn
Bölmənin digər xəbərləri
