Nazir müavini: Təmizlik aksiyalarında böyük miqdarda sintetik torlarla qarşılaşırıq
Lənkəran, 17 iyun, İlkin Adıyev, AZƏRTAC
“Təəssüflər olsun ki, Xəzər dənizinin sahil əraziləri burada istirahət edən insanlar tərəfindən çirkləndirilir. Tullantılar əsasən plastik qablar, polietilen torbalar və sintetik torlardan ibarətdir”.
AZƏRTAC-ın bölgə müxbiri xəbər verir ki, bu sözləri ekologiya və təbii sərvətlər nazirinin müavini Vüqar Kərimov Lənkəranda Xəzər dənizi sahilində keçirilən təmizlik aksiyasında deyib.
“Hazırda təmizlik aparılan ərazidən böyük miqdarda sintetik torlar təmizləyirik. Bu torlar qanunla qadağan olunsa da, təəssüflər olsun ki, biz çox böyük həcmdə bu torlarla qarşılaşırıq. Burada istirahət edən hər kəsə səslənirəm, ətraf mühitimizi, dəniz sahillərimizi təmiz saxlayaq, çirkləndirməyək”.
Bölmənin digər xəbərləri
