Nədimə Rəhimli: Mənzil dayanıqlılığı məsələsində əsas zərərçəkənlər qadınlardır
Bakı, 18 may, AZƏRTAC
Bu gün Ümumdünya Şəhərsalma Forumunun 13-cü Sessiyası (WUF13) çərçivəsində QHT-lər üçün ayrılmış xüsusi pavilyonda “Gender Perspektivindən İqlim və Mənzil Davamlılığı” mövzusunda tədbir keçirilir. Tədbir vətəndaşların sosial rifahı naminə fəaliyyət göstərən ictimai birliyin təşkilatçılığı ilə baş tutur.
Bu fikirləri AZƏRTAC-a açıqlamasında “Vətəndaşların Sosial Rifahı Naminə” İctimai Birliyinin sədr müavini Nədimə Rəhimli deyib.
O bildirib ki, bu gün bütün dünyada istər iqlim dəyişiklikləri, istərsə də mənzil dayanıqlılığı məsələlərində əsas zərərçəkənlər qadınlardır: "Təbii ki, bu problemlər hər kəsə təsir edir, lakin qadınlar daha çox təsirə məruz qalırlar. Məhz bunu nəzərə alaraq tədbirimizin əsas mövzusu da bu istiqamətə həsr olunub. Tədbirdə Azərbaycan dövlətinin rəsmi nümayəndələri ilə yanaşı, müxtəlif xarici ölkələrin nümayəndələri, parlamentarilər və vətəndaş cəmiyyəti təmsilçiləri iştirak edirlər. Biz burada qaldırılan məsələlərin yalnız müzakirə ilə yekunlaşmamasını istəyirik. Bildiyiniz kimi, Bakıda keçiriləcək kollektiv aksiyalarda qeyri-hökumət təşkilatlarının təklif və tələbləri də nəzərə alınacaq. Əlbəttə ki, biz də öz müraciətlərimizi həmin platformalara ünvanlayacağıq".
Bölmənin digər xəbərləri
