“Neftçi” Azərbaycan çempionatlarında 600-cü səfər qolunu vurub
Bakı, 12 sentyabr, AZƏRTAC
“Neftçi” Azərbaycan çempionatlarında 600-cü səfər qolunu vurub. Bu, Azərbaycan Premyer Liqasının VI turuna təsadüf edib. Qəbələdə eyniadlı komandanı 2:1 hesabı ilə məğlub edən “ağ-qaralar” rəqib meydanındakı qol sayını 600-ə çatdırıb.
AZƏRTAC Peşəkar Futbol Liqasına istinadla xəbər verir ki, matçda dubla imza atan Ataa Caberin ikinci qolu yubiley xarakteri daşıyıb. Paytaxt təmsilçisi “600”ə səfərdəki 423-cü oyununda çatıb. 1992-ci ildən keçirilən yarışın daimi iştirakçısı olan “Neftçi” rəqib meydanındakı qol sayında mütləq rekordçudur.
Qeyd edək ki, “ağ-qaralar” səfərdəki ilk qolunu 1992-ci il mayın 15-də Yevlaxda “Avtomobilçi”nin qapısından keçirib. Həmin matçda bakılılar 3:1 hesabı ilə qalib gəlib.
Bölmənin digər xəbərləri
