“NEFTÇİ” DÖRDDƏBİR FİNALA VƏSİQƏ QAZANMIŞDIR
AZƏRTAC xəbər verir ki, Moskvada “Birlik kuboku” turnirinin qrup oyunları çərçivəsində sonuncu görüşlər olmuşdur. Ölkəmizi bu mötəbər yarışda təmsil edən “Neftçi” komandası qrupdakı son oyunda Qazaxıstanın “Aktobe” klubu ilə görüşmüşdür. Qarşılıqlı hücumlar şəraitində keçən oyun 1:1 hesabı ilə başa çatmışdır.
Beləliklə, 3 oyundan 7 xal toplayan Ağasəlim Mircavadovun yetirmələri dörddəbir finala vəsiqə qazanmışlar. Bu mərhələdə isə komandamızın rəqibi MOİK (Rusiya) - Paxtakor (Özbəkistan) görüşündən sonra məlum olacaqdır.
Dörddəbir final oyunları yanvarın 18-də keçiriləcəkdir.
Bölmənin digər xəbərləri
