“Neftçi”–“Qarabağ” oyunu təxirə salınmışdır
Bakı, 2 avqust (AZƏRTAC). Peşəkar Futbol Liqasından “Neftçi” klubuna məktub daxil olmuşdur.
AZƏRTAC xəbər verir ki, məktubda “Neftçi”nin Unibank Premyer Liqasının birinci turunda avqustun 7-də “Qarabağ”la keçirəcəyi oyunun təxirə salındığı barədə məlumat verilmişdir.
Buna səbəb kimi, “Qarabağ”ın avqustun 4-də UEFA Avropa Liqasının üçüncü təsnifat mərhələsində Belçikanın “Brügge” klubu ilə cavab oyununa çıxması göstərilmişdir.
Qeyd edək ki, “Neftçi”-“Qarabağ” qarşılaşmasının hansı günə keçiriləcəyi hələ məlum deyildir.
Bölmənin digər xəbərləri
