“Neftçi” tarixində ilk dəfə mövsümə iki heç-heçə ilə başlayıb
Bakı, 12 avqust, AZƏRTAC
“Neftçi” Azərbaycan Premyer Liqasına ardıcıl iki heç-heçə ilə başlayıb.
AZƏRTAC Peşəkar Futbol Liqasının (PFL) rəsmi saytına istinadən xəbər verir ki, Roman Qriqorçukun yetirmələri öncə “Turan Tovuz” (0:0), ardınca “Səbail”lə (1:1) sülhə imza atıblar.
Eyni komandanın startdakı iki turda heç-heçə etməsi son 9 mövsümdə ilk dəfə qeydə alınıb. Sonuncu belə hadisə 2015/2016-cı il mövsümündə yaşanıb. Həmin vaxt iki komanda - “Sumqayıt” və “Kəpəz” startda sülhləri sıralayıb.
Ümumilikdə isə ölkə çempionatları tarixində 11-ci belə seriya qeydə alınıb. “Neftçi” tarixində ilk dəfə mövsümə heç-heçə nəticələrlə başlayıb.
“Bakı” (2011/2012, 2012/2013) və “Kəpəz” (2010/2011, 2015/2016) hərəyə iki dəfə belə starta imza atıb. Bakı “İnşaatçı”sı 1993/1994, “Turan” 1996/1997, AZAL 2008/2009, “Simurq” 2012/2013, “Xəzər Lənkəran” 2013/2014, “Sumqayıt” 2015/2016-cı il mövsümlərində sülhsevərlik göstərib.
Bölmənin digər xəbərləri
