NEFTÇİLƏRİN SAĞLAMLIĞINA XÜSUSİ DİQQƏT YETİRİLİR
ARDNŞ-dən AZƏRTAC-a bildirmişlər ki, neftçilərin sağlamlığının qorunması, sağlam ekoloji mühit və sanitariya tədbirlərinin işlənib hazırlanması və həyata keçirilməsinə son vaxtlar xüsusi diqqət yetirilir. Bu sahədə Sosial İnkişaf İdarəsinin Əməyin mühafizəsi, təhlükəsizlik texnikası və ekologiya şöbəsi mühüm işlər görür. Belə ki, idarənin tabeliyində olan müəssisə və təşkilat əməkdaşları arasında qida zəhərlənmələrinin, o cümlədən digər yoluxucu xəstəliklərin qarşısının alınması, müasir tələblərə cavab verən qidalanmanın təşkili məqsədi ilə şöbə tərəfindən ictimai iaşə müəssisələri üçün sanitariya qaydaları işlənib hazırlanmış və bütün strukturlara göndərilmişdir. İşçilərin əmək şəraitinin yaxşılaşdırılması, fəaliyyət zamanı ortaya çıxan təhlükəli halın, risklərin əvvəlcədən qiymətləndirilməsi və minimuma endirilməsi istiqamətində də tədbirlər həyata keçirir.
