NƏQLİYYAT SAHƏSİNDƏ AZƏRBAYCAN-İRAN ƏMƏKDAŞLIĞI GENİŞLƏNDİRİLİR
Nəqliyyat Nazirliyinin mətbuat ximətindən AZƏRTAC-a bildirmişlər ki, İİR-in nəqliyyat naziri Əhməd Xorrəmi ilə Tehranda keçirilmiş görüşdə Ələt-Astara yolunun yenidən qurulması, maliyyələşdirilməsi və tikintisi, Astara-Astara avtomobil və dəmir yolu körpülərinin inşası, Bakı-Biləsuvar-Naxçıvan avtomobil sərnişin daşımalarının təşkili məsələləri müzakirə edilmişdir. Görüş zamanı hər iki ölkənin nəqliyyat, gömrük xidmətlərinin və sərhəd qoşunlarının səlahiyyətli nümayəndələrindən ibarət işçi qrupunun yaradılması qərara alınmışdır. İşçi qrupunun ilk toplantısını fevralın 16-da Azərbaycanın Astara sərhədində keçirilmək nəzərdə tutulmuşdur.
Bölmənin digər xəbərləri
