NƏRİMANOV RAYONUNDA VETERANLARLAGÖRÜŞ OLMUŞDUR
İcra hakimiyyəti başçısının birinci müavini Hafiz Məmmədov görüşü açaraq, Prezident İlham Əliyevin rəhbərliyi ilə ölkəmizdə həyata keçirilən islahatlardan danışmış, qazanılmış uğurları qeyd etmişdir.
Bildirilmişdir ki, əsası ümummilli liderimiz Heydər Əliyev tərəfindən qoyulmuş və Prezident İlham Əliyevin uğurla davam etdirdiyi siyasi kurs sayəsində bu gün Azərbaycan regionun liderinə çevrilmişdir. Müxtəlif sahələrdə həyata keçirilən islahatlar öz bəhrəsini verir. Prezident İlham Əliyev Böyük Vətən müharibəsi, Qarabağ müharibəsi veteranlarının və digər veteranların sosial vəziyyətinin yaxşılaşdırılmasına xüsusi diqqət yetirir.
Hafiz Məmmədov diqqətə çatdırmışdır ki, əhalinin problemlərinin öyrənilməsi məqsədi ilə Nərimanov RİH-də xüsusi tədbirlər planı hazırlanmışdır. Bugünkü görüş də bu plana əsasən keçirilir.
Rayonun müvafiq idarə və təşkilatları nümayəndələrinin iştirak etdiyi tədbirdə veteranların problemləri öyrənilmiş, onları narahat edən məsələlər müəyyənləşdirilmiş, yerindəcə göstərişlər verilmişdir.
Veteranlar belə görüşlərin rayon rəhbərliyi ilə ünsiyyət baxımından əhəmiyyətini vurğulamışlar.
