Nəsillərin yaddaşından silinməyəcək qanlı faciə
Ağsu, 17 yanvar, AZƏRTAC
Ağsu Rayon Mərkəzi Kitabxanasında 20 Yanvar faciəsinin 26-cı ildönümünə həsr olunan tədbir keçirilib.
AZƏRTAC xəbər verir ki, əvvəlcə Vətənin azadlığı uğrunda canlarından keçmiş şəhidlərimizin xatirəsi bir dəqiqəlik sükutla yad edilib.
Kitabxananın direktoru Cəbrayıl Bədəlov 20 Yanvar faciəsinin Azərbaycan xalqının müstəqillik tarixindəki mühüm rolundan söz açıb, bu qanlı hadisəyə hüquqi-siyasi qiymətin verilməsində ümummilli lider Heydər Əliyevin tarixi xidmətlərini xatırladıb.
Çıxış edənlər qanlı faciədən ürəkağrısı ilə danışıb, bu faciənin Azərbaycan tarixinə “Qara Yanvar” kimi həkk olunduğunu bildiriblər. Vurğulanıb ki, həmin gün qətlə yetirilənlər arasında uşaqlar, qadınlar, gənclər, yaşlı insanlar, Bakıda yaşayan müxtəlif millətlərin nümayəndələri olub.
Natiqlər bu qanlı günün nəsillərin yaddaşından heç vaxt silinməyəcəyini bildiriblər.
Sonda məktəblilərin ifasında ədəbi-bədii kompozisiya nümayiş etdirilib, 20 Yanvar faciəsinə həsr olunan sənədli film göstərilib.
Bölmənin digər xəbərləri
