Nəsimi rayonunda narkotik vasitələrin satışı ilə məşğul olan şəxs saxlanılıb
Bakı, 1 aprel, AZƏRTAC
Nəsimi Rayon Polis İdarəsinin əməkdaşları tərəfindən əldə edilən əməliyyat məlumatı əsasında həyata keçirilən tədbir nəticəsində narkotik vasitələrin qanunsuz dövriyyəsində şübhəli bilinən Bakı şəhər sakini, əvvəllər məhkum olunmuş Məhərrəm Həsənov saxlanılıb. Onun üzərinə baxış zamanı satış niyyəti ilə qablaşdırılan 11 bükümdə ümumi çəkisi 10 qram olan psixotrop maddə metamfetamin, 12 bükümdə ümumi çəkisi 15 qram olan heroin və elektron tərəzi aşkar edilərək götürülüb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, araşdırma zamanı müəyyən olunub ki, M.Həsənov şəxsiyyəti istintaqa məlum olmayan xarici ölkələrdən birinin vətəndaşı ilə sosial şəbəkələrdə əlaqə yaradaraq narkotik vasitələri satmaq məqsədilə ondan alıb.
Qeyd edilən faktla bağlı saxlanılan şəxs barəsində Nəsimi Rayon Polis İdarəsinin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb. Narkotik maddələrin mənbəyinin müəyyən olunması istiqamətində zəruri istintaq və əməliyyat tədbirləri davam etdirilir.
Bölmənin digər xəbərləri
