NİGERİYADA TƏYYARƏ QƏZASI NƏTİCƏSİNDƏ 12 NƏFƏR HƏLAK OLMUŞDUR

18.09.2006 [20:46]
Çap et
A⁺ A^-

AZƏRTAC “Novosti” agentliyinə istinadla xəbər verir ki, sentyabrın 17-də Nigeriya Hərbi Hava Qüvvələri təyyarəsinin qəzaya uğraması nəticəsində 12 hərbi qulluqçu, o cümlədən 10 general həlak olmuşdur.

Təyyarənin yerə düşməsinin dəqiq səbəbləri indiyədək müəyyən edilməmişdir. Hərbi dairələrdəki mənbələr anonimlik şərti ilə bildirmişlər ki, qəzaya uğramış Dornye-228 nəqliyyat təyyarəsində Nigeriya ordusunun 18 yüksəkrütbəli zabiti olmuşdur.

Güman edilir ki, təyyarədə olan bəzi adamlar sağ qalmışlar.

Təyyarə Nigeriya ordusunun zabitlərini paytaxt Abucidən ölkənin cənub-şərqindəki Obudu şəhərinə aparırmış.