Niko Rosberq: Formula 1 gələcəkdə Formula E ilə birləşə bilər
Bakı, 16 oktyabr, AZƏRTAC
2016-cı ilin Formula 1 çempionu Niko Rosberq bildirib ki, gələcəkdə Formula 1 və Formula E çempionatları vahid seriyada birləşə bilərlər.
AZƏRTAC xəbər verir ki, N.Rosberq əlavə edib: “Ola bilər ki, bu iki çempionatın birləşəcəyi üçün biz Formula E yarışlarının Formula 1-dən populyar olacağını görməyək. Formula 1-in elektrik mühərriki ilə işləyən maşınlara üstünlük verdiyi zaman gəldiyində, sadəcə hər iki seriyanın birləşməsi baş verəcək.
Formula 1 üçün elektrik mühərriklərinə keçid mühüm və mürəkkəb addım olacaq. Dünyada ekologiya ilə bağlı ciddi problemlər mövcuddur və müvafiq tədbirlər görülməlidir. Əgər bütün dünyada elektromobillərin satışına başlanarsa, onda Formula 1 üçün daxili yanma mühərriklərindən istifadənin heç bir anlamı qalmayacaq. Unutmaq olmaz ki, hər iki seriyanın bir sahibi var - bu, Con Maloundur”.
Bölmənin digər xəbərləri
