NÖVBƏTİ KİNO AXŞAMI M.F.AXUNDOVA HƏSR OLUNMUŞDUR
“Mirzə Fətəli Axundovun həyatı və yaradıcılığı sənədli kinoda və “Səbuhi” bədii filmində” mövzusuna həsr olunmuş tədbiri Dövlət Film Fondu direktorunun müavini Mürvət Bəyişov açaraq mütəfəkkür dramaturqun həyatının bəzi məqamlarından danışmışdır. O, M.F.Axundovun təkcə Azərbaycan ədəbiyyatındakı xidmətlərindən deyil, əsərlərinin milli kinomuzun və milli teatrın inkişafındakı rolundan da bəhs etmişdir. Bildirmişdir ki, teatr tariximiz onun “Hacı Qara” əsərinin oynanılması ilə intişar tapmışsa, kinomuzda da dramaturqun iki - “Hacı Qara” və “Müsyo Jordan və dərviş Məstəli Şah” əsərləri əsasında bədii film çəkilmişdir. Təbiidir ki, onun həyatı və yaradıcılığı da kinematoqrafların diqqətindən kənarda qalmamışdır. Dramaturqun həyat və yaradıcılığının əks olunduğu sənədli filmlər və “Səbuhi” adlı bədii film çəkilmişdir.
Axırda Məmməd Rəfilinin ssenarisi əsasında rejissor Amo Beknazarovun 1941-ci ildə lentə aldığı “Səbuhi” bədii filmi nümayiş etdirilmişdir.
Bölmənin digər xəbərləri
