NOVRUZ BAYRAMI ƏRƏFƏSİNDƏ ƏLİLLƏRİN SPARTAKİADASI KEÇİRİLMİŞDİR

18.03.2004 [18:00]
Çap et
A⁺ A^-

Novruz bayramı ərəfəsində Ramanadakı gənc əlillər evində dövlət idarələri və ictimai xidmət işçiləri həmkarlar ittifaqının “Spartak” könüllü idman cəmiyyəti ilə birgə təşkil etdiyi spartakiada keçirilmişdir. Nərd, dama, şahmat və armrestlinq növləri üzrə keçirilmiş yarışlarda 50 əlil idmançı iştirak etmişdir.

“Spartak” cəmiyyətindən AZƏRTAC-ın müxbirinə bildirmişlər ki, armrestlinq üzrə Şamil Yunusov, kişilər arasında şahmat üzrə Aydın Əfəndiyev, qadınlar arasında Mayoş Vəliyeva qalib gəlmişlər. Dama yarışlarında birinci yerləri Tahirə Məhərrəmova və Şıxəli Məhərrəmov tutmuşlar. Nərddə Sevindik Xankişiyev qələbə qazanmışdır.

Təşkilatçılar adından qaliblərə diplomlar və pul mükafatları verilmişdir.