Oğurluq edən keçmiş məhkum saxlanılıb
Bakı, 8 iyul, AZƏRTAC
Lənkəran rayonunun Xanbulan kəndi ərazisində evlərdən birinin həyətində təmir sexi kimi istifadə edilən tikilidən ümumi dəyəri 1300 manat olan üç su nasosunun, digər məişət avadanlığının və onların ehtiyat hissələrinin oğurlanması ilə bağlı rayon polis şöbəsinə müraciət daxil olub.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-a bildiriblər ki, Lənkəran Şəhər-Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəxs müəyyən edilərək saxlanılıb. Araşdırmalarla onun rayonun Boladi kənd sakini, əvvəllər məhkum edilmiş F.İsgəndərov olduğu müəyyən edilib.
Faktla bağlı araşdırma aparılır.
Bölmənin digər xəbərləri
