ÖLÇÜ CİHAZLARININ VƏ DİGƏR AVADANLIĞIN ALINMASINA DAİR TƏKLİFLƏR NƏZƏRDƏN KEÇİRİLİR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, ölkənin enerji təsərrüfatının yenidən qurulması proqramı çərçivəsində maşın və mexanizmlərin, ölçü cihazlarının və digər avadanlığın alınmasına dair səkkiz xarici və yerli şirkətin texniki və maliyyə təklifləri nəzərdən keçirilir.
Məlum olduğu kimi, bu proqrama bütün abonentlər üçün fərdi sayğacların quraşdırılması, eləcə də, rayonların paylaşdırıcı qovşaqlarında elektrikötürücü xətlərinin və kabellərin başdan-başa dəyişdirilməsi daxildir.
İndiyədək 100 mindən çox sayğac və müasir SİP kabelləri alınmışdır.
Bölmənin digər xəbərləri
