OLİMPİYA OYUNLARINDA REKORD MİQDARDA JURNALİST İŞLƏYİR

13.08.2004 [12:41]
Çap et
A⁺ A^-

AZƏRTAC “Afina-2004” Təşkilat Komitəsinin məlumatına istinadla xəbər verir ki, XXVIII Oyunların gedişini işıqlandırmaq üçün Yunanıstana rekord miqdarda jurnalist gəlmişdir. Olimpiadada akkreditə olunmuş 21,5 min jurnalistin 16 mini radio və televiziya işçisi, 5,5 mini fotoreportyor və yazılı mətbuat nümayəndəsidir. Afinada Olimpiya akkreditəsi olmayan min jurnalist də işləyir. Bütün jurnalistlər üçün Afinada bir neçə kənd tikilmişdir.

Təbii ki, onların əsas iş yeri Olimpiadanın baş mətbuat mərkəzidir (BMM). O, Olimpiya stadionunun yaxınlığında yerləşir. BMM-dən bir qədər kənarda elektron KİV-lərin işi üçün bütün lazımi avadanlıqla təmin edilmiş müasir beynəlxalq teleradio mərkəzi yaradılmışdır. Müxtəlif səbəblər üzündən olimpiya akkreditəsi ala bilməyən jurnalistlər üçün Afinanın mərkəzində ictimai mətbuat mərkəzi təşkil edilmişdir.

OLİMPİYA OYUNLARINDA REKORD MİQDARDA JURNALİST İŞLƏYİR

MÜƏLLİFLƏ ƏLAQƏ

Bölmənin digər xəbərləri