ÖLKƏMİZİN 50-DƏN ÇOX SAKİNİ İPOTEKA KREDİTLƏRİ ALMIŞDIR
Respublika İpoteka Fondunun sədri Faiq Məmmədov AZƏRTAC-ın müxbirinə bildirmişdir ki, martın 1-dən ölkəmizdə ipoteka kreditləri verilir. Artıq 50-dən çox vətəndaş ümumən 1 milyon AZN məbləğində kreditlər almışdır. Kreditlər ipoteka sisteminə daxil olan 15 müvəkkil bank tərəfindən verilir.
F.Məmmədov demişdir ki, kreditlərin verilməsi dinamikası vətəndaşların bu işdə maraqlı olmasına dəlalət edir. Əgər birinci ay 4 kredit verilmişdisə, ikinci ay 9, üçüncü ay isə 21 kredit verilmişdir. Ümumən, İpoteka Fondunun fəaliyyəti MDB ölkələrinin oxşar qurumları ilə müqayisədə müsbətdir.
Bölmənin digər xəbərləri
