ÖLKƏNİN YOL HƏRƏKƏTİ SİSTEMİ MODERNLƏŞDİRİLİR

26.10.2006 [23:26]
Çap et
A⁺ A^-

AZƏRTAC xəbər verir ki, ölkənin yol hərəkəti sisteminin düzgün təşkilinə görə məsuliyyət daşıyan Baş Dövlət Yol Polisi İdarəsi müasir texnologiyaların, o cümlədən yol hərəkətinin avtomatik idarəetmə sisteminin (AİS) tətbiqinə dair layihələrin gerçəkləşdirilməsini başa çatdırır. Layihə çərçivəsində yollarda xüsusi nəzarətçi ötürücülərin quraşdırılması nəzərdə tutulmuşdur. Bu qurğular yol polisi əməkdaşlarına şəhərin küçələrində avtonəqliyyatın hərəkətini avtomatik idarə etməyə imkan verəcəkdir.

İdarənin əməkdaşlarının sözlərinə görə, AİS tərəfindən idarə olunan işıqforlar paytaxtın 103 yolayrıcında qoyulacaqdır. Hazırda yeraltı kommunikasiyalar dəyişdirilir. AİS işıqforları Baş İdarədəki kompyuterlərə birləşdiriləcəkdir ki, bu da onların işində hər hansı nasazlığı həmin anda üzə çıxarmağa imkan verəcəkdir. AİS-ə idarənin kompyuter mərkəzinin rəhbəri və iki operatoru xidmət edəcəkdir.

Yeni sistemin tətbiqi ilə bağlı işlər 2007-ci ilin yayınadək başa çatacaqdır.

ÖLKƏNİN YOL HƏRƏKƏTİ SİSTEMİ MODERNLƏŞDİRİLİR

MÜƏLLİFLƏ ƏLAQƏ