OMBUDSMAN YUNISEF-İN NÜMAYƏNDƏSİNİ İLƏ GÖRÜŞMÜŞDÜR
Azərbaycanın insan hüquqları üzrə müvəkkili (ombudsman) Elmira Süleymanova YUNİSEF-in Mərkəzi və Şərqi Avropa, Müstəqil Dövlətlər Birliyi və Baltika Ölkələri üzrə reqional ofisinin direktoru Filip O”Brayn ilə görüşmüşdür.
Ombudsman aparatından AZƏRTAC-ın müxbirinə bildirmişlər ki, qonaq yeni yaranmış təsisatın fəaliyyəti ilə tanış olmuş və Azərbaycanda uşaq hüquqları sahəsində vəziyyətlə maraqlanmışdır.
Elmira Süleymanova uşaq hüquqlarının qorunması sahəsində görülən işlərdən danışmış, başçılıq etdiyi təsisatın bu sahədə fəaliyyəti haqqında geniş məlumat vermiş, ombudsman aparatının nəzdində uşaq hüquqları üzrə şöbənin yaradılmasının nəzərdə tutulduğunu söyləmişdir.
Ombudsman qonağın nəzərinə catdırmışdır ki, ermənilərin Azərbaycana təcavüzü nəticəsində uşaqların böyük əksiyyəti qacqın və məcburi köckün şəraitində yaşayır. Bu uşaqlar şəxsiyyət kimi formalaşmaq üçün normal həyat şəraitindən, öz hüquqlarından məhrumdurlar.
Sonda Elmira Süleymanova uşaq hüquqlarının qorunması ücün əldə olan bütün imkanlardan istifadə edilməsinin varcibliyini qeyd etmiş və uşaq hüquqları ilə bağlı Azərbaycan Respublıkasının Milli Məclisinə bir sıra tövsiyə ilə müraciət edəcəyini qonağın diqqətinə çatdırmışdır.
Bölmənin digər xəbərləri
