ON İKİNCİ MİLLİ ÇEMPİONATIN VƏ AZƏRBAYCAN KUBOKU UĞRUNDA OYUNLARIN TƏQVİMİNDƏ DƏYİŞİKLİK EDİLMİŞDİR
AFFA-nın mətbuat xidmətindən AZƏRTAC-a bildirmişlər ki, futbol üzrə Azərbaycan milli yığma komandasının Moldova (31 mart) və Qazaxıstan (28 aprel) komandaları arasında keçiriləcək yoldaşlıq görüşləri ilə əlaqədar, XII milli çempionatın və Azərbaycan kuboku uğrunda oyunların təqvimində dəyişiklik edilmişdir.
Azərbaycan kuboku uğrunda 1/4 finalın cavab oyunları martın 27-dən 23-nə, 1/2 finalın cavab oyunları isə aprelin 24-dən 22-nə keçirilmişdir.
On ikinci Azərbaycan milli çempionatının ehtiyat turunun “Bakılı” – “Şəmkir” və “Qarabağ-Azərsun” – “Şəfa” komandaları arasında oyunları martın 23-də deyil, aprelin 10-da olacaqdır.
Bölmənin digər xəbərləri
