“One Saint Martin” təşkilatının prezidenti: Niderland və Fransadan tam müstəqilliyimizi istəyirik
Nyu-York, 15 aprel, AZƏRTAC
“Bu gün Niderland və Fransa adamızda öz müstəmləkəçilik istismarlarını gücləndiriblər”.
AZƏRTAC-ın məlumatına görə, bu sözləri “One Saint Martin” təşkilatının prezidenti Rhoda Arrindell BMT-nin Nyu-Yorkdakı Baş qərargahında Bakı Təşəbbüs Qrupu tərəfindən “Dekolonizasiya: Sakit inqilab” adlı beynəlxalq konfransda çıxışı zamanı deyib.
O bildirib ki, Fransa və Niderland rəsmi olaraq afrikaəsilli insanları ayrıca qrup kimi tanımır. Onun sözlərinə görə, küçələrdə gündəlik asayişi həyata keçirən yerli polis qüvvəsi olsa da, əslində, asayiş Fransa və Niderlandı təmsil edən səlahiyyətli şəxslər tərəfindən təmin edilir: “Əgər Sen Martində cinayət törətməkdə təqsirli bilinirsinizsə, sizi Qvadelupadakı həbsxanaya aparırlar. Mən indi Sen Martində bir gənclə işləyirəm, o, Fransa hakimiyyətindən qaçır, çünki söz azadlığı hüquqlarını müdafiə etdiyinə görə onu həbs etməyə çalışırlar. O, indi rəsmi olaraq Niderland hissəsində yaşayır və sərhədi keçdiyi anda həbs oluna biləcəyinə dair əmr var”.
Rhoda Arrindell bildirib ki, Sen Martin xalqı haqlı olaraq onlardan əcdadlarına qarşı dəymiş ziyana görə ədalət tələb etməklərini istəyir: “Biz BMT-nin müstəmləkədən azad edilməli olan ərazilər siyahısına yenidən daxil olmağı tələb etmişik. Niderland və Fransadan tam müstəqilliyimizi istəyirik və sizdən gözləyirik ki, müstəqilliyimizi əldə etməyimizə köməklik göstərəsiniz. Ürək ağrısı ilə izləyirəm ki, biz afrikaəsilli insanlar ünsiyyət üçün öz aramızda Afrika dillərində deyil, Avropa dillərində danışırıq”.
Nyu-York
Bölmənin digər xəbərləri
