ONTARİONUN HAKİMİYYƏT ORQANLARI İSLAMA NİFRƏTİ PİSLƏYİRLƏR

13.08.2004 [12:03]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Kanadanın Ontario əyalətinin baş naziri Dalton MakGinti başda olmaqla hakimiyyət orqanları müsəlmanların ünvanına Rayerson Universitetində səslənmiş hədə-qorxuları kəskin şəkildə pisləmişlər.

Baş nazir bəyan etmişdir: “Hökumət irqi ayrı-seçkiliyə, irqi dözümsüzlüyə və nifrət zəminində hər cür cinayətlərə qarşı amansız və barışmaz olacaqdır. Mən həyat tərzimizə kökündən zidd olan belə rüsvayçı halları qəti surətdə pisləyirəm”.

Ontarionun baş prokuroru Mişel Brayant əmin etmişdir ki, təqsirkarlar layiqli cəzalarını alacaqlar.

Kanada qanunlarına uyğun olaraq, hətta heç kim cismən zərər çəkmədikdə belə, polis nifrət zəminində cinayət törətmiş şəxsləri təqib edir.