OPEC Konfransının prezidenti: Birgə səylər sayəsində neft sənayesi üçün perspektiv daha müsbətdir
Bakı, 1 aprel, AZƏRTAC
Birgə səylər sayəsində neft sənayesi üçün perspektiv daha müsbətdir.
AZƏRTAC xəbər verir ki, bu sözləri OPEC Konfransının prezidenti, Anqolanın mineral ehtiyatlar və neft naziri Diamantino Pedro Azevedo OPEC və qeyri-OPEC ölkələrinin (“OPEC+”) nazirlərinin 15-ci videogörüşündə deyib.
O, “Əməkdaşlıq Bəyannaməsi”nin iştirakçılarının qlobal neft bazarında sabitlik və artımın bərpası üçün birgə səylərə, eləcə də öhdəliklərə sadiq qalmalarının əhəmiyyətini vurğulayıb: “Əməkdaşlıq Bəyannaməsi”nin iştrakçılarının qlobal neft bazarını sabitləşdirmək, potensialını bərpa etmə və bərpa prosesi üçün bir platforma təmin etmək üçün göstərdiyi qətiyyətli səyləri sayəsində neft sənayesi üçün perspektiv daha müsbətdir. İştirakçı ölkələrin son bir ildəki ehtiyatlı yanaşmaları bazar dəyişkənliyini azaltmağa kömək edib. Bu gün bazara inamın bərpasına kömək edən liderliyi yenidən nümayiş etdirmək bizim vəzifəmizdir”.
Bölmənin digər xəbərləri
