Orfoepiya komissiyası üzrə işçi qrup yaradılıb
Bakı, 2 oktyabr, AZƏRTAC
Nəsimi adına Dilçilik İnstitutunda “Azərbaycan dilinin orfoepiya lüğəti” çapa hazırlanır. Bununla əlaqədar Orfoepiya komissiyası və işçi qrup yaradılıb.
Bu barədə AZƏRTAC-a institutdan məlumat verilib. Bildirilib ki, Dilçilik İnstitutunun direktoru, akademik Möhsün Nağısoylu Orfoepiya komissiyasının sədri seçilib.
Orfoepiya komissiyasının nəzdində fəaliyyət göstərən işçi qrupun üç iclası keçirilib. İclaslarda orfoepiya normaları müzakirə olunub. Orfoepiya normaları lüğəvi, qrammatik və qrafik şəraitdə tələffüzə əsaslanıb. Normalara bir sıra yeniliklər daxil edilib.
Bölmənin digər xəbərləri
