Ötən gün Ukraynada koronavirusa yoluxma halı 15 mini ötüb
Kiyev, 4 dekabr, AZƏRTAC
Dünən Ukraynada 15 min 131 nəfərin koronavirusa yoluxduğu təsdiqlənib. Ötən şənbə günündən bəri virusa yoluxanların sayının 15 mini keçməsi ilk dəfədir.
AZƏRTAC xəbər verir ki, bu barədə səhiyyə naziri Maksim Stepanov bildirib.
Ümumilikdə gün ərzində 74 min 880 koronavirus testi götürülüb. Yeni yoluxma hallarının əksəriyyəti Kiyev şəhərində (1374), Dnepropetrovsk (1258), Odessa (1211), Zaporojye (1106) və Kiyev (988) bölgələrində təsdiqlənib.
Pandemiyanın başlanğıcından bəri ölkədə ümumilikdə 787 min 891 nəfər yoluxub, 13 min 195 (+235) nəfər vəfat edib, 397 min 809 (+13 min 383) nəfər sağalıb. Aktiv xəstələrin sayı 390 min 82 nəfərdir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
