Ötən il bir sıra məhkəmələrə daxil olmuş və həll edilmiş işlərin sayı açıqlanıb
Bakı, 5 avqust, AZƏRTAC
2023-cü ildə Azərbaycan Respublikası Ali Məhkəməsinə 768 iş daxil olub, həmin işlərdən 692-si həll edilib.
AZƏRTAC xəbər verir ki, bu barədə Vahid Məhkəmə Portalında məlumat qeyd olunub. Bildirilib ki, ötən il apellyasiya instansiyası məhkəmələri üzrə daxil olmuş 2 min 162 işin 1 803-ü həllini tapıb.
Bundan əlavə, kommersiya məhkəmələrinə daxil olmuş 16 min 424 işdən 14 min 606-sı, o cümlədən Bakı Kommersiya Məhkəməsinə daxil olmuş 7 min 588 işdən 6 min 711-i, Gəncə Kommersiya Məhkəməsinə daxil olmuş 2 min 118 işdən 1 855-i, Şəki Kommersiya Məhkəməsinə daxil olmuş 1 502 işdən 1 421-i, Sumqayıt Kommersiya Məhkəməsinə daxil olmuş 1 792-i işdən 1 655-i, Şirvan Kommersiya Məhkəməsinə daxil olmuş 3 min 012 işdən 2 min 672-si, Naxçıvan Muxtar Respublikasının Kommersiya Məhkəməsinə daxil olmuş 412 işdən 292-si həll edilib.
Bölmənin digər xəbərləri
