Ötən il Dövlət Uşaq Filarmoniyası 40-dan artıq tədbirdə iştirak edib
Bakı, 16 fevral, AZƏRTAC
Ötən il Azərbaycan Dövlət Uşaq Filarmoniyası ev sahibliyi etdiyi konsert proqramları ilə yanaşı, 40-dan artıq tədbirdə iştirak edib, 80-dən çox yeni solist və 150-dən artıq kollektiv üzvünü yaradıcılıq ailəsinə cəlb edərək tərkibini daha da genişləndirib.
Bunu AZƏRTAC-a açıqlamasında Azərbaycan Dövlət Uşaq Filarmoniyasının direktoru Səidə Tağızadə deyib.
O bildirib ki, Filarmoniyanın fəaliyyəti yalnız kəmiyyət göstəricilərinin artımı ilə məhdudlaşmır, eyni zamanda uşaq və yeniyetmələr üçün yaradılan imkanların keyfiyyətcə genişləndirilməsinə, onların musiqi-estetik tərbiyəsinin gücləndirilməsinə və yaradıcı özünüifadə bacarıqlarının inkişafına yönəlib.
Direktorun sözlərinə görə, Filarmoniya gələcəkdə də bu inkişaf xəttini qoruyub saxlamağı və daha da gücləndirməyi planlaşdırır.
Bölmənin digər xəbərləri
