Ötən il Saatlıda üç modul tipli məktəb binası quraşdırılıb
Saatlı, 2 mart, Mahir Babayev, AZƏRTAC
Ötən il Saatlıda üç modul tipli məktəb binası quraşdırılaraq istifadəyə verilib.
Rayon Təhsil Şöbəsindən AZƏRTAC-ın bölgə müxbirinə bildiriblər ki, məktəb binaları Saatlı şəhər 1 nömrəli ümumi orta, Şirinbəy və Soltanabad kənd ibtidai məktəblər üçün inşa olunub.
96 şagird yerlik binalarda məktəblilərin normal təhsil almaları üçün hər bir şərait yaradılıb. Həmçinin ötən il rayonun Sarıcalar kənd tam orta məktəbinin binası əsaslı təmir olunub, Orta Muğan kənd tam orta məktəbi üçün 432 şagird yerlik yeni binanın tikintisinə başlanılıb. Hazırda məktəb binasında tamamlanma işləri aparılır. Yeni bina növbəti tədris ilində müəllim və şagird kollektivinin istifadəsinə veriləcək.
Bölmənin digər xəbərləri
