Özbəkistan Azərbaycana minik avtomobillərinin göndərilməsini bərpa edib
Daşkənd, 30 may, АZƏRTAC
Özbəkistanın “GM Uzbekistan” şirkəti Azərbaycana minik avtomobillərinin göndərilməsini bərpa edib.
AZƏRTAC xəbər verir ki, ilkin mərhələdə şirkət Azərbaycana son modelləri olan “R3” və “R4” avtomobillərini göndərəcək. Sonra isə digər yeni modellərin göndərilməsi də qaydaya salınacaq.
Bundan əvvəl şirkət Ukrayna, Qırğızıstan, Qazaxıstan, Belarus, Əfqanıstan və Tacikistana bu avtomobillərin göndərilməsini bərpa etmişdi.
Şirkət yaxın vaxtlarda “Chevrolet Trailblazer”, “Chevrolet Equinox” və “Chevrolet Traverse” avtomobillərinin istehsalını da nəzərdə tutur.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
