Mark Rütte: NATO ABŞ-nin alyansda iştirakını azaldacağını nəzərə almalıdır
Bakı, 18 iyun, AZƏRTAC
ABŞ Avropadakı qoşunlarının sayını dərhal azaltmağa başlayacaq.
AZƏRTAC xəbər verir ki, ERR teleradio kompaniyasının məlumatına görə, NATO-nun Baş katibi Mark Rütte bunu alyansın müdafiə nazirlərinin görüşündən əvvəl jurnalistlərə deyib. Mark Rütte, həmçinin Vaşinqtonun müharibə zamanı Avropanı müdafiə etmək üçün əlindən gələni əsirgəməyəcəyinə ümidini ifadə edib.
Baş katibin sözlərinə görə, NATO ABŞ-nin alyansda iştirakını azaldacağını nəzərə almalıdır, lakin Avropa İttifaqı (Aİ) silahlı qüvvələrin sayını artırmaqla bu məkanı dolduracaq, bəzi Aİ ölkələri artıq bunu edir, bəziləri isə buna hazırlıq görür.
Xatırladaq ki, ilin əvvəlində ABŞ Avropadakı qüvvələrinin sayının azaldılması prosesinə başlayıb. Vaşinqton, eyni zamanda, Avropa İttifaqı ölkələrini təhlükəsizlik sahəsinə töhfələrini artırmağa çağırıb. Ağ Ev Avropada kəşfiyyat, komandanlıq və nəzarət, həmçinin logistik aktivlərini saxlayacağını və Avropanın nüvə müdafiəsinə sadiq qalacağını vəd edib.
Bölmənin digər xəbərləri
