Özbəkistanda COVID-19-un Afrika ştammı aşkar edilib
Daşkənd, 17 aprel, АZƏRTAC
Özbəkistanda COVID-19 koronavirusunun Afrika ştammı aşkar edilib.
AZƏRTAC xəbər verir ki, bu haqda Özbəkistanın Baş naziri Abdulla Aripovun rəhbərliyi ilə Koronavirusun Yayılmasının Qarşısının Alınması üzrə Xüsusi Respublika Komissiyasının iclasında məlumat verilib.
Baş nazir deyib ki, hazırda Afrika ştammının öyrənilməsi və qarşısının alınması üzrə tədbirlər həyata keçirilir.
A.Aripov bildirib ki, ölkədə koronavirusa yoluxma sayı da günbəgün artmaqdadır. Yanvar ayında gündəlik yoluxma sayı 15-ə enmişdisə, indi bu rəqəm sutkada 300-ü keçib. Əgər keçən il infeksiya uşaqlara toxunmurdusa, indi vəziyyət əksinədir. Belə ki, hazırda infeksiyanın yayılması ali məktəblərdə 6-7, orta məktəblərdə 11-15 faiz artıb. Məktəbəqədər tərbiyə müəssisələrində də yoluxma sayı çoxalıb və bunun qarşısının alınması istiqamətində tədbirlər görülür.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
