ÖZƏL TİBB KLİNİKASININ FƏALİYYƏTİ DAYANDIRILMIŞDIR
Səhiyyə Nazirliyinin mətbuat xidmətindən AZƏRTAC-ın müxbirinə bildirmişlər ki yoxlama zamanı klinikanın binasının sanitariya-gigiyena normalarına uyğun gəlməməsi aşkara çıxarılmışdır. Mərkəzə girişdə 20 kvadratmetr sahədə qanunsuz aptek fəaliyyət göstərirdi. Laboratoriya tədqiqatları bir otaqda aparılır, onların keçirilməsi üçün soyuducuda saxlanılan müddəti ötmüş reaktivlər hesabdan silinməmiş, Standartlaşdırma, Metrologiya və Patent üzrə Dövlət Agentliyinin istifadə edilən tibb avadanlığı üçün rəyi olmamışdır.
Klinikanın rəhbərliyinə qanunsuz fəaliyyət göstərən apteki bağlamaq, kabinetlərdə tədqiqat üçün müvafiq şərait yaratmaq və zəruri təmir işləri aparmaq tapşırılmışdır.
Mətbuat xidmətindən bildirmişlər ki, klinikanın fəaliyyətinin bərpası məsələsinə bütün bu çatışmazlıqlar aradan qaldırıldıqdan sonra baxılacaqdır.
Bölmənin digər xəbərləri
