Pakistan MMU-nun nümayəndə heyətinin ölkəmizə səfəri davam edir
Bakı, 24 iyun, AZƏRTAC
Pakistan İslam Respublikası Milli Müdafiə Universitetinin (MMU) rəhbər heyəti və "Milli Təhlükəsizlik və Müharibə kursu-26"nın dinləyici və professor-müəllim heyətinin ölkəmizə səfəri davam edir.
Müdafiə Nazirliyindən AZƏRTAC-a verilən məlumata görə, səfər çərçivəsində qonaqlar Azərbaycan Hərbi Dəniz Qüvvələrini (HDQ) ziyarət ediblər. Burada nümayəndə heyəti ilə Azərbaycan HDQ komandanı kontr-admiral Şahin Məmmədov görüşüb.
Görüş zamanı qonaqlara qüvvələrin fəaliyyəti ilə bağlı ətraflı məlumat verilib, onları maraqlandıran suallar cavablandırılıb.
Plana uyğun olaraq, HDQ-nin Dəniz Hərəkat Mərkəzində olan nümayəndə heyəti dənizdə baş verən fəaliyyətlərin monitorinqi, təhlükəsizlik tədbirləri, koordinasiyası və idarəedilməsi ilə tanış olublar.
Bölmənin digər xəbərləri
