Pakistanda “kamikadze” özünü partladıb
Bakı,18 noyabr, AZƏRTAC
Pakistanın Bannu rayonunun Surani bölgəsində “kamikadze” özünü partladıb.
AZƏRTAC “Associated Press of Pakistan” (APP) agentliyinə istinadla xəbər verir ki, intihar edən şəxs motosikletdə olub və hadisə yerinə çatan kimi özünə xətər yetirib.
Partlayış səsi yaxınlıqdakı ərazilərdən eşidilib, hüquq-mühafizə orqanları və təhlükəsizlik qüvvələri dərhal reaksiya verib.
Polis rəsmiləri bildiriblər ki, hadisə zamanı insan və ya mal itkisi baş verməyib. Hücum edən şəxs yerindəcə ölüb.
Səlahiyyətlilər hadisədən sonra bölgədə təhlükəsizlik tədbirlərini gücləndiriblər.
Bölmənin digər xəbərləri
